هذا هو محتوى المكالمات الهاتفية بين رجال الأمن يوم فرار بن علي من تونس

نشرت جريدة الصباح في عددها الصادر يوم 8 ماي 2014 بعض الاتصالات الهاتفية بين أمنيين ميدانيين وآخرين بقصر قرطاج تناولوا فيها تطور مجريات الأحداث خلال الساعات الأخيرة من عمر النظام البائد وأيضا من الثورة التونسية.
وجوورد في هذه المكالمات الهاتفية تطرُّق بعض الامنيين الى الحديث عن الهجوم الذي كان محتملا على قصر قرطاج انطلاقا من ضاحية الكرم والدور الذي لعبه كل من سمير الطرهوني في ايقاف عدد من"الطرابلسية" وسامي سيك سالم في القصر اثر فرار المخلوع.

مكالمة هاتفية بين عدنان وفيصل:
(14 جانفي 2011 الساعة 13:02-13:04)
1 ـ عدنان: يا فيصل
2 ـ فيصل: ألو
3 ـ عدنان: هذيا باش تخرج من الليسي تسمع فيا
4 ـ فيصل: نسمع فيك سي عدنان
5 ـ عدنان: يخرج من الليسي الوحدة المدرعة والواحد يحطوها في الصعدة متاع سيدي بوسعيد فين القهوة هذيكا الرفرافي، دوب ماي جيوو طالعين ماو انتي عندك القدام وأنا أعطيني لوطا.. ونحطو امعاهم عنصر ماك الدورية القدام باش هوا ييعرف
6 ـ فيصل: واضح
7 ـ عدنان: داكوردو
8 ـ فيصل: واضح الله يبارك

مكالمة هاتفية بين مخاطب ومتلقى: (14 جانفي 2011 الساعة 13:09-13:10)
1 ـ المخاطب: أهلا
2 ـ المتلقي: أهلا بخويا الغالي
3 ـ المخاطب: ca va
4 ـ المتلقي: ca va
5 ـ المخاطب: أشنوا
6 ـ المتلقي: يا خويا المدرعات باش اتجي لهنا وركزوهم 3 لنا.. والجوca va pas
7 ـ المخاطب: إمممم
8 ـ المتلقي: إمممم
9 ـ المخاطب: أكاهو ثمة حاجة كلمني
10 ـ المتلقي: باهي خويا باهي
11 ـ المخاطب: هاني باش انوصل الجماعة لباجة وانجي
12 ـ المتلقي: باهي يا خويا ok نهارك سعيد

مكالمة هاتفية بين متصل وعدنان: (14 جانفي 2011 الساعة 13:12-13:13)
1 ـ عدنان: oui
2 ـ المتصل: أه سي عدنان
3 ـ عدنان: أهلا
4 ـ المتصل: الكرم الغربي باش يمشيو للمستودع ويحيبو اهزو اتراكس راو باش ايهدوا غادي للمركز ايكملو ماههم ايحبو يتعداو للكرم الشرقي، ولا خطر كبير
5 ـ عدنان: خطر خطر
6 ـ المتصل: خطر كبير وتوا هنا على شارع الحبيب بورقيبة
7 ـ عدنان: إيه
8 ـ المتصل: الجيش وين الزيتونة.. علاش ميسكرش الطريق علي جايينا هنا
9 ـ عدنان: إيه أحنا قلنا ما هيش حاجة كبيرة جايه من غادي وأتو..
10 ـ المتصل: اينجمو متراكس اكملو.. توا كل شيء ممكن راوو
11 ـ عدنان: أتاو انسكرها توا، أتاو انسكرها توا
12 ـ المتصل: داكوردو واعلم السيد المدير العام

مكالمة هاتفية بين مخاطب ومتلقى: (14 جانفي 2011 الساعة 13:24-13:25)
1 ـ المتلقي: oui
2ـ المخاطب: اسمعني هجمو خذاو الكرم الغربي حرقوه وجايين للكرم الشرقي
3ـ المتلقي: إمم
4ـ المخاطب: او ما م تون باش ايجيوو لادارتي معناها ظاهرة لحكاية
5ـ المتلقي: امم
6 ـ المخاطب: Donc، أنا هاني بحذا السيد (…) باش انشوف أشنيا باش نعملو.. معنا ما نعملو
7ـ المتلقي: شنوا ياخي برشا
8ـ المخاطب: برشا برشا وفما 4 موتا البارح في الكرم
9ـ المتلقي: امم هو شنوا اليوم الدفينة متاعهم
10 -المخاطب: اليوم الدفينة متاعهم، توه استولاو على الكرم الغربي خرجو الاعوان في 50 تلميذ ضابط شرطة مساعد
11ـ المتلقي: امم
12ـ المخاطب: والبولسية خرجوهم وحرقوه هام جايين من الكرم الشرقي اذا كان جاو من الكرم الشرقي اوتوماتيك.. ماو باش ايجيوو يدخلو للادارة والتعليمات واضحة معناها ne pas tirer هك وللا
13 ـ المتلقي: إيه واضح واضح ok
14ـ المخاطب: كان هكا انخليلهم الادارة.. وكهو واش عندي ما نعمل

مكالمة هاتفية بين عدنان وعلي: (14 جانفي 2011 الساعة 13:47-13:48)
1ـ عدنان: ألو
2 ـ علي: سي عدنان oui
3 ـ عدنان: مرحبا بيك، هاني زت مع الجيش والحرس لوطا من منتهى الفالاز وطاهر الحداد ومقهى الرفرافي على خاطر اينجمو لعباد ايجوك مترجلين فكا الغابة دور معاهم ونسق باش اتسكر المنافذceinture ثانية وراك انتي، انتي ceinture لولى هذيكا أعملناها نحنا
4ـ علي: اييه واضح
5ـ عدنان: وهو ما وراك انت هوكا الرفرافي والواحد اهوكا سي سالم في بالو الحرس والجيش معاك تعليمات ميجيك حتى حد مترجل سيارة.

مكالمة هاتفية بين متلقى ومخاطب: (14 جانفي 2011 الساعة 14:09-14:11)
1 ـ المتلقي: ألو oui
2ـ المخاطب: أهلا بيك
3ـ المتلقي: اهلا خويا اش فما
4ـ المخاطب: هاو حرقو منطقة المرسى
5ـ المتلقي: اه
6ـ المخاطب: يحرقو في منطقة المرسى
7ـ المتلقي: لا..لا
8ـ المخاطب: والله
9ـ المتلقي: منطقة المرسى
10ـ المخاطب: ايهه وتضرب الكرتوش وواحد عينو خرجت وهز توه لمبيلونس
11ـ المتلقي: مواطن.. بول عليه
12ـ المخاطب: بول علاهم.. يعنبو والداهم الكل 13ـ المتلقي: واش نو في الكرم
14 ـ المخاطب: الكرم الغربي سايي حرقوه وخرجو لعباد، وحنا هوني، هاهم ملمومين توا خلطت لصلامبو، ملمومين الجماعة الكل ظاهرين باش اهدو علينا bon ما نعرفش اهدو على ادارتي ولا عليا أما المركز سايي هما بيدهم المركز فرغوه
15ـ المتلقي: اممم… ايا ان شاء الله لاباس، وقتاش مفماش امن غادي
16 ـ المخاطب: توا جات كميونة.. آه كار فيها bob
17ـ المتلقي: اممم
18ـ المخاطب: وهبطو ايجي 12 عون
19ـ المتلقي: الجيش
20ـ المخاطب: الجيش ساكت مش متحرك موجود كدبابة الي بجنب منوبري متاع لكرم الشرقي اكهو
21ـ المتلقي: ايهه ايهه
22ـ المخاطب: دبابة واحدة غادي وشويا قدام المعتمدية وحدة اخرى 3 اعوان اكهو لا يتحركوا لا سلمو
23ـ المتلقي: اممم اممم واضح واضح انشا الله لباس
24ـ المخاطب: وانتوما؟
25ـ المتلقي: لا عادي عادي ما فما شيء قالو باش يجيو لهنا متحركوش
26 ـ المخاطب: il faut etre s\’attendre بعد الصلاوات
27 ـ المتلقي: إيه توا الصلاوات en principe توفا
28ـ المخاطب: باهي هنا معا بعضنا
29 ـ المتلقي: ok خويا

مكالمة هاتفية بين متلقي ومخاطب: (14 جانفي 2011 الساعة 13:28-14:30)
1 ـ المتلقي: oui
2ـ المخاطب: اهلا خويا
3ـ المتلقي: مازلت غادي
4ـ المخاطب: ياخي تخدم
5ـ المتلقي: موش على تخدم مازلت غادي
6ـ المخاطب: ايه ايه
7ـ المتلقي: ساعد روحك
8ـ المخاطب: لاحمه مليح مليح
9ـ المتلقي: ربي ابقي الستر
10ـ المخاطب: اكهو ربي يستر اكهو
11ـ المتلقي: واضح خويا ساعد روحك كيف تبدا مروح.. ساعد روحك
12ـ المخاطب: واضح ايه ايه يعيشك روحت انت في الدار انت
13ـ المتلقي: ايه روحت هبطت على شارع الحبيب بورقيبة عملنا جلسة ليوم سكرنا الدنيا واكهو
14ـ المخاطب: تحتى احنا 24 ساعة توا
15ـ المتلقي: اييه اييه هام قالو مركز حمام الانف حرقوه
16ـ المخاطب: حمام الانف كاملة حرقوها المركز اش اسمو رشيد كلمتو هز الذخيرة ولواحد فصع بيهم في كرهبة باناليزي كرهبة كحلة وبيضا معاه فرجاني صاحبو هزها الكل هزها للاقليم توا قالك اهم يتوعدو باش ايجيو للاقليم، تو كنت معاه.. قالي باش يزدمو على الاقليم توا.. قالي مانعرفش ..قالي مانعرفش وين باش انهز نخمل الذخيرة توا ذخيرة الاقليم كامل وين باش اخملوها ولاموش عارف تعليمات ما تقتلش ما تضربش والعباد هاك تشوف
17ـ المتلقي: العباد داهما وكاهو
18ـ المخاطب: غريبة معادش عارف معادش خايفه من حتى شيء العباد هاذيا
19ـ المتلقي: ماو مستغلها الواحد هذايا الظرف هذايا في خصوص عدم الواحد هذاكا هو
20ـ المخاطب: هو هذاكا هو هما توا حبو يضربو لفليسات هذكا هي نهب او واحد
21ـ المتلقي: احنا تو لهنا دايرين على ديار العائلة يحرقو فيهم ديار العائلة الكلها يحرقو فيها افهمتني.. هاو كلمت سامية قلتلها سكر الباب.. الباب لحديد قلتلها سكرو خاطتر توا باش ايدورو على ديار الزملاء..دار الامن فهمتني.. اكهو ستار الله..والله لعظيم يقدر الخير
22ـ المخاطب: ربي يبقي الستر وكهو
23 ـ المتلقي: ok خويا
24ـ المخاطب: ايا ساعد روحك
25ـ المتلقي: عيشك الى اللقاء.. تشاو

مكالمة بين مخاطب ومتلقى: (14 جانفي 2011 الساعة 14:28-14:30)
1ـ مخاطب: آلو
2ـ متلقي: اه خويا سيدي خويا
3ـ المتلقي: اه لاباس
4 ـ المخاطب: ca va لاباس إلى حد الآن
5ـ المتلقي: مشاو
6ـ المخاطب: لاشيء ما ممشاوش..هي تو الدفينة على خاطر باش يمشيوو للدفينة ومبعد …
7ـ المتلقي: الدفينة وين
8ـ المخاطب: الدفينة كانت باش يعملوها وراء السونتر هذا متاع بيرصة
9ـ المتلقي: ايهه
10ـ المخاطب: ولا في سيدي عمر
4 باش يخرجو 4 دفاين
11ـ المتلقي: 4 دفاين
12ـ المخاطب: يظهرلي هكة 4 دفاين
13ـ المتلقي: اممم.. وتخاف من الرياكسيون بعد الدفينة
14ـ المخاطب: ايه هذاكا هو… هو تو مش الرياكسيون بعد الدفينة.. تخاف الجوامع الكل… 15ـ المتلقي: على خاطر تو متواصلة اعمال العنف متواصلة في البلاد برشة…
16 ـ المخاطب: في البلايص الكل في المنار الكل شادين la rue
17ـ مخاطب: ايهه.. ايهه .يا ولدي اش اسمو تي تي تي ..(..) رئيس منطقة راس الجبل
18ـ متلقي: إيه
19ـ المتلقي: عندو معاه قداش من بوليس.. عندو معاه 12 بوليس تعزيز من سيدي سعد
20ـ المخاطب: إمم
21ـ المتلقي: حطهم في كار وقدمهم القدام بالكل.. خرجهم من رأس الجبل
22ـ المخاطب: اهه
23ـ المتلقي: قاللهم تنحييو تينيياتكم واقدو سيفيل وبراوو روحو..
24ـ المخاطب: إممم
25ـ المتلقي: قاللهم راهي وزارة الداخلية بعد ساعة باش تتحل
26ـ المخاطب: أهه
27ـ المتلقي: هذا رئيس منطقة آش قلهم
28ـ المخاطب: اش قلهم
29ـ المتلقي: قاللهم وزارة الداخلية بعد ساعة باش تتحل
30ـ المخاطب: ظاهر فيها باش تتحل
31ـ المتلقي: بعد ساعة باش تتحل
32ـ المخاطب: بعد ساعة
33ـ متلقي: ايهه..هذا رئيس منطقة راس الجبل(..)
34ـ المخاطب: تواطئ الزح اش قولك انتي
35ـ المتلقي: ايهه الصبر وكهوا..حرقوه المركز والمنطقة
36ـ المخاطب: المنطقة..اتو نرجعلك تو
37 ـ المتلقي: ok خويا ok

مكالمة هاتفية بين لسعد ونزار: (14 جانفي 2011 الساعة 15:10-15:11)
1ـ نزار: الو
2ـ عون القاعة: اهلا عسلامة
3ـ نزار:. بلاهي 239 سي الظريف
4ـ لسعد: اتفضل
5ـ نزار: اهلا عسلامة
6ـ لسعد: مرحبا
7ـ نزار: نزار حمزة معاك اشكون معايا
8ـ لسعد: لسعد يا نزار
9 ـ نزار: يا لسعد cava امورك
10ـ لسعد: ايعيشك
11ـ نزار: في الكرم أنا لسعد تو عاوت لحمت تو فهمتني وهدو على البوسطة مخلوهمش جماعة الكرم الصباح ما حرقو مركز وحرقو وحدة متاع البلدية وتوه هاو بحذا الدار يلمو باش يخرجو وسمعت الجماعة يلمدو في رواحهم ويهبطو لتونس في اتجاه القصر
12ـ لسعد : منين جايين هما
13ـ نزار: من تونس باتجاه القصر باش يعملو مسيرة
14ـ لسعد: باتجاه القصر
15ـ نزار: كان نجمت نجي ها تونجي.. لاحمة بحذا الدار

مكالمة هاتفية بين مخاطب وعدنان: (14 جانفي 2011 الساعة 15:46-15:47)
مخاطب: آلو
عدنان: oui
مخاطب: أه سي عدنان
عدنان: ايه واه
مخاطب: تو فم نية باش يتجمعو وين قرطاج بيرصة
عدنان: اييه
مخاطب: وحب إييجو هنا هذا mot de passe اللي عندهم في الكرم الغربي
عدنان: قرطاج بيرصة وين بالضبط
مخاطب: قرطاج بيرصة في الـ….. قريبلنا غداي منا في حي محمد علي مشيرة هذيكا
عدنان: توا تحاولو مع الداخلية تونشتتو تو نربحو مخاطب: اشكون باش يحاول معاهم الداخلية عدنان: احنا
مخاطب: مثماش امن راهو
عدنان: ايا نشتتو فوا 4 حتى لين…
مخاطب: ما فماش احنا يخي avancé هذي هما ماف ماش
عدنان: نحلو شويا غاز وكهو en attendan
مخاطب: ايه احنا تو هذاكا يلزم نتهيؤو اما هو بالنسبة للداخلية ما ثماش راو لا ثمة لا مركز لا أمن
عدنان: واضح واضح واضح
مخاطب: داكوردو

مكالمة هاتفية بين مخاطب ومتلقى: (14 جانفي 2011 الساعة 16:07-16:10)
1ـ مخاطب: ألو
2 ـ متلقي: oui
3ـ مخاطب: اه ثبت فيه هذيكا
4ـ متلقي: والله اه
5ـ مخاطب: قتلك معناها صحيحة على خاطر شفتها مباشر.. راو انا زعمة..
6ـ متلقي: ايهه
7ـ مخاطب: الجزيرة شفتها تو
8ـ متلقي: الجزيرة الجزيرة هاني نتفرج تو
9ـ مخاطب: متاع الرئيس صحيحة هذيكا
10ـ متلقي: اه
11ـ مخاطب: الرئيس التونسي..
12 ـ متلقي: معنا شيء معنا شيء لهنا معنا شيء معنا شيء وsurأنا نحكيلك من غير ماني قاعد نخبي عليك في شيء
13 ـ مخاطب: امم l\’avence مهم آش باش نحكيلك أو بر
14ـ متلقي: يزي بلا لعب
15 ـ مخاطب: والله لعظيم هبطو هدو على الوزارة وكذا bon هو ما لا محالة رجعوهم
16ـ متلقي: اهه
17 ـ مخاطب: أما هو يعديو في تصاور 3 peut etre سوايع التالي
18ـ متلقي: 3 سوايع التالي لا لا ظاهرة ظاهرة قدم التصاور
19ـ مخاطب: امم هاو بداو ايثيرو بداو ايثيورو 20ـ متلقي: الكلها يظهرلي الجمهورية كاملة زاد هكاكة
21ـ مخاطب: ايه هكاكة ايه اكاهو انا فم حاجة انحب نفهمها والله اش باش انقلك
22ـ متلقي: ايهه
23 ـ مخاطب: تو normalment حاجات كيما هكايا على الجيش.. الجيش c\’est pas intervenir معناها معرفش فهمتني وإلا لا
24ـ متلقي: أش فيها اللي تحكي فيه نحكي فيه أنا
25ـ مخاطب: شيء غريب راهو نهب راهو نهب راو موش معقول والله راهو نهب بالله لعظيم نهب والله نهب باللهي باللهي نهب نهب
26ـ متلقي: ماني قتلك اللي تحكي فيه انتي يحكيو فيه الناس الكل
27ـ مخاطب: عملت دورة اليوم العباد تاخو في الخبز وكذا خايفين على رواحهم وعباد ولاو خايفين من بعضهم
28ـ متلقي: أي صحيح.. صحيح
29ـ مخاطب: قمرق الدخان عندك فكرة عليه
30ـ ملتقي: أه
31ـ مخاطب: قمرق الدخان
32ـ متلقي: لا
33ـ مخاطب: رحل الكل
34ـ متلقي: يزي بلا لعب
35ـ مخاطب: والله لعظيم لعباد تهز في الشيكات متاع لواحد
36ـ متلقي: يعجبكشي تو
37ـمخاطب: قسما بالله العظيم c\’est pas normal…et pourtantفم فم في بالي وحدات متاع جيش لغاديكا معناها
38ـ متلقي: فهمتك
39ـ مخاطب: كان شفت أأأشسمها
40ـ متلقي: شكون
41ـ مخاطب: شيرة لاكانيا
42ـ متلقي: شنيا
43ـ شيرة لاكانيا معناها vraiment ولا واحد البارح في الليل
44ـ متلقي: إيه
45ـ مخاطب: بعد ما كلمتك أنا..أنا مروح باهي 46ـ متلقي: إيه
47ـ انا وسهيل الغربي بعد لكيوسك Mobil على لمين هذاكا
48ـ متلقي: إيه
49ـ مخاطب: نعملو هكايا ونلقاو باراج عجالي وعاملينو بطريقة اولاد الحرام
50ـ متلقي: متنجمشي تهرب
51ـ نعملو marche arriere يا ولدي التاكسيست زعمة دخل فينا رصتلنا جبنا على مقرين.

مكالمتان مباشرة إثر هروب المخلوع
مكالمة هاتفية بين مخاطب ومتلقى:
1ـ مخاطب: اهلا
2ـ متلقي: أ ش فما
3ـ مخاطب: فما حاجة نطلبك..عادا ما تقلقش روحك
4ـ متلقي: باهي
5ـ مخاطب: او نشوف اش كون باش اشد الرئاسة ها ها ها ها…
6ـ متلقي: يعجبكشي تو
7ـ مخاطب: فما مسؤولين تو هنا
8ـ متلقي: تو سيك سالم اكهو
مخاطب: امم
متلقي: هاو كلم الوزير الاول
مخاطب: أه
متلقي: قالو قرر انتي واش تعمل
مخاطب: امم باهي
متلقي: فهمتني
مخاطب: باهي باهي
مكالمة هاتفية بين مخاطب 2 وفوزي:
1 ـ فوزي: oui
2ـ مخاطب 2: اشنيا لحكايا
3 ـ فوزي: ca va pas أشنيا لحكايا
4ـ مخاطب 2: سمير الطرهوني.. اشكون اعطاه التعليمات
5ـ فوزي: معاد تفهم شيء
6ـ مخاطب2: اشكون اعطاه التعليمات.. علي السرياطي ما في بالوش
7ـ فوزي: الله غالب
8ـ مخاطب2: قالك هبطهم على ركايبهم الناس.. في بالك والا لا
9ـ فوزي: في بالي في بالي
10ـ مخاطب2: او ماخلا حتى حد ايسافر.. لتو ما سافر حتى حد.. والا سافرو
11ـ فوزي: والله ما نعرف
12ـ مخاطب2: بالحق بالحق
13ـ فوزي: والله
14ـ مخاطب2: واشكون قالو هكا باش يمشي يسبقهم.. هو كان هنا حاصر الوزارة
15ـ فوزي: ايه ايه
16ـ مخاطب2: اشنيا لحكاية..يا(..) يا سي فوزي
17 ـ فوزي: إي ca va pas
18 ـ مخاطب 2: اي في بالي ca va pas مالصباح.. في بالنا ca va pas
19 ـ فوزي: احنا من الأيامات… ca va pas
20ـ مخاطب2: الجيش أه الجيش اه
21 ـ فوزي: إم ok
22ـ مخاطب2: معناها اعطاو التعليمات من غادي
23ـ فوزي: أه
24ـ مخاطب2: اعطاوه التعليمات الجيش.. مدام علي السرياطي ما في بالوش معناها الجيش اعطى التعليمات
25ـ فوزي: واضح
26ـ مخاطب2: توا حظر التجول
27ـ فوزي: أه
28ـ مخاطب2: حظر التجول من توه
29ـ فوزي: اكهو تو متاخذة وربي يستر
30ـ مخاطب2: اكهوه داكوردو
فوزي: ok