رضا شرف الدين يوجه رسالة لجماهير النجم وهذا فحواها..

وجه رئيس النجم الساحلي رضا شرف الدين رسالة لجمهور النجم  عبر صفحته الرسمية على الفيسبوك أكد فيها حبه الكبير للفريق و لجماهيره …

وفي ما يلي النص الكامل للرسالة:

“رسالة لجمهور النجم العزيز:
النجمة الساحلية هي حكاية بدأت من عام 25, حكاية مهيش بش توفى، حكاية كلها نجاحات، حكاية تجمع كل أجيال، حكاية اشعاع وتاريخ، حكاية عشق وغيرة.
النجمة الساحلية برجالها ونساءها , بصغارها و كبارها , كلنا واقفين مع النجمة الي هي عائلتنا لتلمنا و تزهينا وتفرحنا . و انا نعتبر روحي ولد العائلة و ولد جمهور و شبابي كل عديتو بين جماهير ونعرف جمهور شنوة يحس وقت نتائج متمشيش نعرف حسرة وغصة واني ما معمري منسب واحد من عائلتي و ليوم حبيت نرد على ناس الي حبت تخرج تصريحي عن مفهموم متاعو وتحب تصطاد في ماء عكر . انا نعتبر انوا لكسر ويفسد و يعمل شغب هو عدو للجمعية لان ولد الجمعية معمرو ميفسد , ولد جمعية معمرو ميعمل شغب , ولد جمعية ميسبش جمعيتو و ملاعبيتوا , ولد جمعية معمروا ميتسبب في عقوبات لفريقوا , ولد جمعية يبقى يشجع لاخر دقيقة , كلامي موجه للأطراف الي تحب تهدم تاريخ هذا , الي تحب تفسد و تكسر , اني واعوذ بالله من كلمة اني موش بش نجي ليوم نسب جمهورنا لعزيز , لكن وقت نشوف ناس بتصرفاتها تضر في اسم نجم عالي وقتها لزمني ندخل و ندافع عليه وحتى كان كلامي يخرج من سياقه اما جمهور نجم عزيز على قلبي و انا مولود في وسط هذا الجمهور ومستحيل نسب عايلتي و أصدقائي واخوتي .
النجم الفوق الجميع و عاش النجم الساحلي”

اترك تعليقاً

Time limit is exhausted. Please reload CAPTCHA.