بعد سقوط أقنعة السياسيين : الأزهر الضاوي يكتب قصيدة “ألو جدة”

اثر الضجة التي أثارتها الكاميرا الخفية”ألو جدة” في تونس والتي كشفت من خلالها اقنعة العديد من الشخصيات السياسيية في تونس، كتب الشاعر الأزهر الضاوي هذه القصيدة:

-* آلو..جدّة *..!!-

” أُ “..” أُ” ..رُفَع ْ..
غدوة نقولو ” الزّين” رجَعْ..!
باين فيك يا “بن غربيّة”
متوحّش حتى .. ” النُخَاعْ “..!!
جبت الكاميرا الخفية..
وفي قلبك ساكن “زَعبعْ”..!
وروحك ليه..باين وفيّة..
و”تاسعتك” ليه تتّسعْ..!
ودلّاع ” الفوعة الثورية”..
هاو طلع الكلّو قرَعْ..!!
وما ناقصكم كان “صوفية”..
وصوت الجوقة يرتفعْ..!
..ويجينا لابس كوفيّة..
ونورو من “مكة” يسطعْ..!
وخرفانو في كل ثنيّة..
ترجع الكلّة تبَعبعْ..!
..فْ جُرّة ها النهضة المدعيّة..
اللي ضربت في المجتمعْ..
و سقاتو سم ” الشرعية”..
مرَض الشعب ومنها.. بلَعْ..
..نادي عليه يا “بن غربية”
وما ناش تنقولو ضَبّعْ..
ونحّي الكاميرا الخفية
ولا تخاف ولا تتفجعْ..
..نادي عليه بالصوت العالي
مادام انت مقتنعْ..
ومَسّي على ” حسّون ” الغالي..
وقُلّو….. ” ماعاد تجَعجعْ “..!!!