المصدر تونس المصدر آخر الأخبار العربية والعالمية والتونسية .
كشف النائب في البرلمان عن قائمة أمل وعمل، ياسين العياري، في تدوينة نشرها عبر صفحته الرسمية على الفيسبوك، أن رئيس حكومة تصريف الأعمال، إلياس الفخفاخ، عقد مؤخرا صفقة جديدة تتعلق بإعادة استعمال الأكياس البلاستيكية عوضا عن الورقية لتعبئة الإسمنت.
واعتبر العياري، أن هذه الأكياس البلاستيكية مضرة ويبدو من وراء هذه الصفقة “تفخفيخة في الدقيقة تسعين” .
وفي ما يلي ما كتبه:
حكومة 18% بطالة، -21% نمو، العبث بصحة التوانسة بتلوين الدول حسب الطلب تضرب من جديد!
و دائما من مجال البيئة ما خرجناش!
لأسباب يبدو أن ورائها صفقة، تفخفيخة، قررت الحكومة في آخر أيامها، العودة للأكياس البلاستيكية لنقل الإسمنت!
لفائدة من قرار الساعات الأخيرة؟ لمصلحة من؟ علاش تضحيو بالبيئة و صحة أولادنا؟ لأي لوبي رضختم و مقابل ماذا؟
ما حبيتوش تحشموا؟ ما كفاكمش حجم الفضائح؟ ما كفاكمش تلوثكم السياسي و المالي، وليتوا تلوثوا في البلاد؟
في بالكم بش تعملوا تفخفيخات الخروج؟ تضمنوا حويجة على حساب البلاد؟ تمسخوا بلادنا لفائدة أصحابكم؟ فلأبشركم : يبطى شوية!
وعدا! سنبحث عن المستفيد الحقيقي، و لشكون بعتم بلادنا و صحة أولادنا و نلاحقكم في المحاكم و ستدفعون الثمن! و ماكم جربتونا : حين نقول؟ نفعل!
تنحي أكياس روقية تنجم تكون مضادة للماء و تعوضها بأكياس البوليستار الي البصمة الكربونية متاعها أكثر مرتين و نص، بأكياس البوليستار الي تسيب في الماء معادن ثقيلة و ماهيش بيودغرادابل، هذه جريمة في حق الأجيال القادمة!
ستبقى تونس خضراء، رغما عنكم و عن تفخفيخ الدقيقة تسعين!
كل محامي لدى التعقيب، كل جمعية ناشطة في مجال الحفاظ على البيئة، تحب تشارك في وقف هذه المهزلة، مرحبا :
yassine.ayari@arp.tn
مع بعضنا أقوى!
#تونس_خضراء
#أمل_و_عمل
#ما_ينفع_الناس
#ما_ينفع_الأجيال_القادمة
#الفصل_45_من_الدستور
#ما_يحبوش_الإحترام
