المصدر تونس المصدر آخر الأخبار العربية والعالمية والتونسية .
نشرت الإعلامية سلوى نعمان زوجة الإعلامي برهان بسيّس مساء اليوم الجمعة 24 ماي 2024، تدوينة أكدت فيها أن زوجها صامد في سجنه ومعنوياته مرتفعة وأنه حوّل الزنزانة الى نص جميل.
وفي مايلي نص التدوينة:
“توة روحت بعد ما عديت صباح كامل في السجن المدني بالمرناڤية زرت فيه برهان و هزيتلو القفة…قلتلو على كم رسائل التضامن و المساندة و الاحترام وووو… برهان يبلغ تحياتو للجميع يسلم على الناس الكل… مشيت اليوم في أول زيارة بعد الحكم الي ما نكذبش عليكم صدمني برشا و لتوة موش مصدقة… مشيتلو فيبالي بش نرفعلو من معنوياتو ياخي هو الي قواني… لقيت برهان مبتسم… واقف صامد… راحة انسان ضميرو مرتاح… هزيتلو كتب… لقيتو ديجا قاري زوز….برهان المثقف موش جدران السجن الي بش تمنعو من التفكير…برهان حول الزنزانة لنص جميل… برهان حر حيث هو….مؤمن قنوع هادئ….متأكد من عبثية الزمن على يقين ان لا حال يبقى على حاله….
الحبس كذاب و الحي يروح….”
يذكر أن الدائرة الجناحية بالمحكمة الابتدائية بتونس، قضت يوم الأربعاء 22 ماي 2024، بالسجن لمدة سنة ضد الاعلاميين برهان بسيّس ومراد الزغيدي، من اجل تهم وجهت لهما على معنى الفصل 24 من المرسوم عدد 54.
