بعد أن نفى تلقّي البرلمان لمطالب رفع حصانة ضدّ عدد من النواب: نبيل الحجّي يردّ على ماهر مذيوب

اعتبر النائب عن الكتلة الديمقراطية نبيل حجي، أن مساعد رئيس المجلس المكلف بالاعلام والاتصال ماهر مذيوب، غالط الرأي العام بخصوص تأكيده عدم تلقي البرلمان أي مطلب رفع حصانة بخصوص أي كان من النواب.

وقال مذيوب في تدوينة على صفحته بالفايسبوك، “الحقيقة تعودنا هذا في تسيير المجلس، مؤكدا أن إدارة المجلس أعطته كتابيا معلومة مختلفة، حسب تعبيره.

وكان مذيوب قد نفى في تدوينة على صفحته بالفايسبوك أمس، تلقي المجلس أي طلب لرفع الحصانة على أي نائب.

نص التدوينة:

السيد ماهر مذيوب، عضو مجلس نواب الشعب و مساعد رئيس المجلس المكلف بالاعلام و الاتصال نشر تدوينة قال فيها أنو المجلس ما تلقى حتى مطلب رفع حصانة بخصوص أي كان من النواب.

سيدي النائب و مساعد الرئيس، إما تغالط في الرأي العام …. و الحقيقة تعودنا هذا في تسيير المجلس و إما الإدارة غالطتك … و الحقيقة نستبعد. تعرفشي علاش ؟ خاطر الادارة عطاتني كتابيا معلومة مختلفة.

في الصور المرافقة فمة الرد الكتابي على مطلب نفاذ للمعلومة توجهت به لرئيس المجلس، الرد الكتابي يقول أنو المجلس جاه 17 مطلب رفع حصانة في المدة النيابية 2014-2019 و (شد عندك سي ماهر) مطلب رفع حصانة وحيد في المدة النيابية الحالية.

و على فكرة، راهو حتى الرد الكتابي فيه مغالطة.
خاطرني وجهت نفس مطلب النفاذ للعلومة لوزارة العدل و ردها كان مختلف.

وزارة العدل قالت اللي جاو للمجلس مطالب رفع حصانة في 29 نائب من 2014 لليوم (تاريخ الرد كان 15 أفريل 2021)، 9 منهم ما تمسكوش بالحصانة.

يعني الرقم اللي جاوبني بيه المجلس (18) هو زادة موش صحيح.

في الجدول اللي مدتني بيه وزارة العدل تو تشوفو بعينيكم اللي فمة نائب مقدمة فيه 4 مطالب رفع حصانة، و فمة نائب 3 و فمة شكون زوز مطالب.

و كي تزيدة تثبتو في الجدول تو تفهمو اللي 10 من النواب هاذم برك غادروا المجلس، الباقي مازالو نواب … يا منتخبين لأول مرة، ; يا معاودين.

كانت فقط نقطة اعلام 🙂