بسبب الكورونا: زكريا بوقيرة يحذّر من الاستفتاء

أكد الدكتور زكرياء بوقيرة، إن “خطر فيروس “كورونا” مازال قائما وإننا الآن في فترة الذروة”، متوقعا أن ينفرج الوضع الوبائي قريبا.

وأضاف في تدوينة نشرها على صفحته بالفايسيوك إن ” العدوى تحدث أساسا في الأماكن المغلقة وأنه على الدولة الحفاظ على صحة المواطنين خلال تنظيم الاستفتاء في فضاءات مفتوحة وخيام وساحات المدارس والابتعاد عن القاعات المغلقة”.

وأوضح ان هذا المقترح من شأنه أن يخفّض في نسبة حالات العدوى ويجنب تسجيل ارتفاع في عدد الإصابات”.

وفي ما يلي نص التدوينة:

خطر الكورونا مازال قائم ونحن الان في فترة الذروة
على قريب بش تنفرج شوية ولكن مازال الخطر
كيما تعرفو العدوى اساسا تصير في الأماكن المغلقة (98%)
ولذا كان الدولة تحب تقوم باستفتاء من غير ما تتسبب في عدوة الناس فما حل ساهل برشا تنجم تعملو ولا يتطلب لا حجر صحي لا فلوس
رأس مالها كراسي وطواول وباراسولات والخلوة تكون في الساحة متع المدرسة موش الداخل
كان تصير العملية الكل في الساحة متع المدرسة الخطر بالاصابة بالكوفيد بش يكون صغييييير بارشا
اما كان كي العادة بش يكذبو على رواحهم وعلينا ويعملو زعمة زعمة ما فماش كورونا وقتها بش تكون كارثة متع إصابات
هاو حل ساهل ما فيهش مصروف وينجم يقسمم عدد الاصابات، المنجرة على استفتاء في فترة الذروة، 50 مرة
زعمة يعملوها؟
كان تسألوني انا على رأيي ننصحكم كان ما مرضتوش بالكورونا في الموجة هذه من غير ما تمشيو تصوتو صحتكم اهم من كل شيء
والي مازال كي مرض وبرى وتعداتلو خفيفة يمشي على روحو من غير خوف كبير بركا يلبس الكمامة ويحاول ما يبطاش برشا

#تسقط_دولة_الموت
#حجر_صحي_شامل