بشرى بالحاج حميدة: “الأحزاب التي تعد بالحكم بدون حركة النهضة كاذبة”

أكدت الناشطة السياسيّة بشرى بالحاج حميدة تدوينة عي صفحتها الرسميّة بموقع التواصل الاجتماعي فايسبوك أن الأحزاب التي تعد بالحكم بمفردها داخل البرلمان تغالط الشعب التونسي مشيرة أن المشهد السياسي الحالي والقانون الانتخابي لايسمحان لأي طرف بالحكم بمفرده.

وأضافت بالحاج حميدة أن كافة الأحزاب الموجودة في الساحة السياسيّة اليوم غير قادرة على تكوين حكومة قوية ولا الدفع نحو الاستقرار السياسي.

وفي ما يلي نصّ التدوينة:

“خليوني نقول كليمة معاكم
أولا أنا مهما كانت نتيجة الانتخابات نقبلها على خاطر الي يهمني هو المسار الديمقراطي ما يتمسش باي تعلة أو بأي وسيلة
إذا المسار تعدى سلامات نعرف الي لا فمى منقذ و لا اشكون بش يدخلها في حيط اكثر ملي هي فيه
أما حاجة بركة نحب نأكد عليها أنه كل واحد يقول لكم بش نحكم بلاش النهضة راهو يكذب .
لانه أما بش يحكم معاهم و إلا لن يحكم أصلا و يقعد في المعارضة .و في هذه الحالة لا استقرار و لا حلول و التوانسة هم الي بش يتعبوا .
فالقانون الانتخابي الحالي و زيده المشهد السياسي ما يعطي لحتى حزب أغلبية مريحة .
أكثر واحد ممكن يأخذ 45 مقعد تقريبا كيفاش بش يحكم وحده ؟و كي تلم بقية ما يسمى بالعائلة التقدمية أحسن ما نقولوش قداش كلهم مع بعضهم بش يجيبوا من مقعد .و من غير ما نحكي على تجربة الابتزاز متاع بعضهم .
لهذا فمى حالتين في انتظار تغيير القانون الانتخابي و في انتظار يكون في البلاد احزاب صحيحة اما لا فمى حكومة و لا استقرار و لا تنفيذ البرامج الي يحكيوا عليهم و الا الجماعة بش يحكموا مع النهضة .
و البقية حملة انتخابية كي الحملة متاع 2014 “.

اترك تعليقاً

Time limit is exhausted. Please reload CAPTCHA.