بسبب مريم الدبّاغ: رشدي بلقاسمي يعبر عن ندمه لحضور برنامج “l’émission”

عبّر الفنان رشدي بلڨاسمي عن ندمه بسبب حضوره في برنامج ” l’emission ” الذي سيبث على قناة التّاسعة ليلة الاربعاء المقبلة.

وأشار رشدي بلڨاسمي في تدوينة على صفحته بموقع التواصل الاجتماعي “فايسبوك” أنه اتّخذ هذا الموقف بسبب مريم الدباغ التي اعتبرت أن “الرقص البدوي متاع قعار في الداخل موش متاع تونس”.

وفي ما يلي التدوينة كاملة:

“لأول مرة في حياتي نعمل عملة و نندم عليها…
الليلة كنت ضيف l’émission (تسجيل) لأمين قارة و معاه مجموعة من الفنانين إلي نحبهم و نحترمهم برشا.
الضيف إلى قبلي جعفر القاسمي و الجو خفيف فيه برشا ضحك و زهو و طرب…
وقفت كيف العادة وريت خطوات من الرقص التونسي البدوي ( الحلة و الجربي)، و الأمور لتوا باهيه و عامل جو.
و لكن صدمت بتعليق أقل ما يقال عنه عنصري! تقوم وحدة عمري لاسمعت باسمها و لاريتها chroniqueuse يقولولها #مريم أش تقول : الشطيح هذا متاع قعار متاع الداخل مش متع تونس…. وكلام أخر تو تسمعوه كيف تتفرجوا في الحلقه و انشاء الله ماتتنحاش في montage.
الحاصيلوا أول حاجه قلتها لروحي خساره فنانين كبار كيما عبد الحميد قياس و عزيزة بالبيار… الي علقوا ببرشا حماس و غيره على الرقص الشعبي، قاعدين مع وحده كيما هذه على طاوله وحده…
و غريبه كيفاه قناه التاسعه تقبل انها تخدم ناس تغتصب فينا كل يوم بأفكارها العقيمه و تمرر سمومها و عقدها بضحكة و لعبة…
الحاصيلو ا يا جماعة بربي سامحوني ع التعاسة إلى باش تشوفوها نهار الاربعاء على قناه التاسعه؛ و الله لا عاد تتعاود!
وهذه أخر مرة نقبل نتضيف عند حد ما نعرفوش، باش لا يسمعني لكلام و لا يسب أسمى حاجه في حياتي #الرقص.
و السلام بالعافيه…
رشدي بلقاسمي”

اترك تعليقاً

Time limit is exhausted. Please reload CAPTCHA.